BUTUAN CITY- Unom ka magtutungha ang kompirmadong patay, unom usab ang angol, samtang ang uban padayon gihapong gipangita sa nahugnog building sa New Delhi, India.
Sumala ni New Delhi Chief Minister Rekha Gupta, kagahapon Lunes, naluwas sa mga rescuer ang kapin 12 ka-tao human nahugno ang lima ka andana nga hostel sa Satya Niketan kansa nagsilbing pribadong puy-anan sa mga magtutunga sa silingang Delhi University.
Pagpa-ambit usab sa pipila ka lokal, kapin 55 ka tuig na matud pa ang nahugnong building ug pla ka buwan na usab kining gipa-ilawom sa renovation.
Base na usab sa pasi-unang imbestigasyon, posibleng ang gitigom nga tubig sa basement sa karaang building ug ang padayon nga renovation niini ang hinungdan sa pagkahugno.
Padayon usab ang operasyon sa lokal nga awtoridad sa India sa pagpangita sa uban pang mga indibidwal nga natrap sa debris sa nahugnong building.
Kalabot sa insidente, giplano na usab sa Indian government nga mo-mugna og polisiya kalabot sa regular nga inspeksyon ug safety certificates sa mga building nga gigamit sa publiko sama sa mga apartment alang sa mga estudyante, mga nursing homes, ug ingon man sa mga unibersidad ug mga tunghaan.
