BUTUAN CITY- Posible nang mareresolba karung tuiga ang mga unang kasong adunay kalabotan sa flood control scandal nga kasamtangang gi-dungog sa Sandiganbayan.
Sa gihimong Senate Finance Committee deliberation alang sa proposed budget sa judiciary sa tuig 2027, gipadayag ni Sandiganbayan Presiding Justice Geraldine Faith Econg nga posibleng magpagawas na og desisyon ang korte kalabot sa conviction o acquittal sa mga akusado.
Sumala ni Justice Econg, ang pinakaunang kasong gpasaka sa Office of the Ombudsman niadtong Nobyembre 18, 2025 paspas nga ming-uswag og kasamtangan nang anaa sa defense stage adiser paman mag usa ka tuig.
Gihatagan og ginbug-aton usab sa opisyal nga kung sundon ang probisyon sa Speedy Trial Act nga gipresentar sa Korte Suprema, adunay dakong posibilidad nga mahuman ug madesisyonan na ang maong kaso adiser mahuman ang tuig.
Lakip sa mga high-profile individual nga naaresto ug napreso karun tungod sa ilang kalambigtan sa flood control scandal sila kanhi House Speaker Martin Romualdez ug Senator Jinggoy Estrada.
