BUTUAN CITY- Gikomperma sa Maritime Industry Authority (MARINA) nga luwas ug buhi ang kapitan sa M/V June Aster human mingbusikad ang sunog sa maong barko samtang mingbyahe sa kadagatan sa Coron, Palawan.
Sa exclusive interview sa Bombo Radyo Philippines kang MARINA Regional Office IV Director Atty. Maximo Bañares Jr., sigon niini mismong ang kumpanya sa barko ang nagkumpirma nga nakaluwas ang kapitan apan wala pa kini nagpakita sa mga awtoridad.
Padayon nga gipangita sa ahensya ang kapitan aron makuha ang pamahayag niini ug mapa-ilawom sa imbestigasyon, kung asa posible kini mapahamtangan og administrative liability kung mapamatud-an adunay nasupak sa maritime safety regulations.
Nahitabo ang insidente samtang naglawig ang barko paingon sa Coron, nga gilayon usab miresponde ang Philippine Coast Guard alang sa rescue ug firefighting operations.
Sa kasamtangan, padayon ang imbestigasyong pangkadagatan sa MARINA aron masuta ang tinuod nga tinubdan sa sa sunog ug masusi ang seaworthiness sa mga barko sa maong kumpanya.
