BUTUAN CITY- Patay ang duha ka piloto human na-crash ang usa ka Phantom F-4 jet samtang gihimo ang usa ka air show sa Tanagra Air Base sa Athens Greece, niadtong adlaw nga Sabado, September 5.
Nahagsa ang nasangpit nga fighter jet pipila lang ka gatos ka metros gikan sa mga saksi.
Gibana-banang anaa usab sa libo ang mingtambong sa air show niadtong adlawa, gani walay natalang na-angol. Sumala sa airforce officials sa Greece, nakit-an ang lawas sa duha ka namatay nga piloto palibot sa Tanagra Air force base, 60 kilometers north of Athens.
Minggamit usab og 11 water-dropping planes ug nagtinabangay ang 85 ka mga bumbero aron mapukan gilayon ang sunog human nahagsa ang eroplano
Gilayon usab nga gikansela sa mga organizers ang pipila ka events kansa alang unta sa sunod simana.
