BUTUAN CITY – Nanawagan ang Bagong Alyansang Makabayan kon BAYAN nga ipadayon ug palapdan ang imbestigasyon sa anumalusong mga flood-control projects human nila gi-welcome ang pagdakop kang kanhi House Speaker Martin Romualdez isip usa ka lakang padulong sa pagpanubag.
Sumala kang Mong Palatino, BAYAN Secretary General, bisan pa og nadugay ang pagdakop kang Romualdez, importante gihapon kini nga lakang aron manubag ang tanang nalambigit sa giingong kickback scandal ug pork barrel.
Giklaro usab niini nga dili kinahanglan nga kutob lamang kang Romualdez, kanhi Congressman Zaldy Co, o pipila ka senador ang pagpanubag, tungod mas lapad matud pa ang giladmon sa natigayong korapsyon sa nasud.
Nanawagan usab ang grupo nga ipadayon ang imbestigasyon ug gukdon ang tanang responsable, ilabina ang giingong mga mastermind ug nagpatuman sa pork barrel system, nga sumala ni Palatino, kinahanglan usab nga susihon ang mga opisyal sa Malacañang ubos sa administrasyon ni Presidente Ferdinand Marcos Jr.
