BUTUAN CITY – Mibalik sa panumduman ni Bombo international correspondent to New York Rufino ‘Pinoy’ Gonzales ang mga panghitabo sa World Trade Center sa Manahttan dihang gibanggaan kini sa mga commercial planes niadtong Septembre 11, 2001 – insaktong 25 ka tuig karong adlawa.
Sa eksklusibong pakighinabi sa Bombo Radyo Butuan, gipadayag ni Bombo Pinoy nga kung wala lang malangay og 30-minutos ang iyang gisakyan, siguradong apil siya sa kapin 3-mil ka mga tawong natunaw dungan sa pagkahugno sa twin towers.
Siya matud pa ang bugtong Filipino journalist nga atua gayod sa ground zero diin gitukod ang World Trade Center niadtong tungura rason nga iyang nabati kung unsa ka-init ang ground zero resulta nga apil ang mga bukog sa tawo, natunaw sa maong hitabo.
Gisaysay niini nga dihang padulong na siya sa Manhattan samtang sakay sa tren, gipahunong na ang pagpadagan niini rason nga nakita nilang nag-aso na ang maong dakbalay ug ang pagbangga sa laing eroplano paglabay sa pipila ka minutos.
