BUTUAN CITY – Mas hugot nga seguridad ang gipatuman ning mga orasa sa New York Police District kon NYPD subay sa paghandom karong adlawa sa Estados Unidos sa 9/11 terrorist attack nga mipahagba sa twin tower sa World Trade Center.
Sa eksklusibong pakighinabi sa Bombo Radyo Butuan, gipadayag ni Bombo international correspondent to New York Cherry Lechoncito, nga ang himuong remembrance ceremony, dili abli ngadto sa publiko tungod kay ang pasudlon lang mao lamang kadtong immediate family sa mga biktima sa pagpangatake ingon man ang mga local ug national officials sa Amerika.
Apil usab sa gi-secure sa kapulisan ang simbahan sa mga Jewish people tungod kay dungan man sa maong paghandom ang pagsa-ulog usab sa mga Hudiyo sa ilang Jewish New Year.
Kini tungod sa posibleng pagsakay niini sa ubang mga teroristang grupo ilabina nga padayon karon ang giyera tali sa Amerika ug Iran nga mikanat na ngadto sa Middle East.
