BUTUAN CITY – Gikumpirma ni Technical Sergeant (TSgt) Norlejan Palima sa 4th Civil Military Operations kon CMO ‘Kasaligan’ Battalion nga padayong gigukod sa kasundaluhan ang uban pang mga rebeldeng New People’s Army upat ka mga rebelde.
Sa eksklusibong pakighinabi sa Bombo Radyo Butuan, gipadayag sa opisyal nga natigayon ang engkwentro pasado alas-5:00 sa kaadlawon dihang nakasugat sa mga miyembro sa maong grupo ang mga sakop sa Special Force Team 14 “MOSSAD,” nga gipangunahan ni 1Lt Edgar Cardoza Jr nga naglusad niadtong higayuna og padayong joint military operation sa maong lugar.
Atol sa clearing operation, usa ka lalaking casualty ang unang narekober nga nailang si Johnny Almonte Lindayo alyas Kikoy o Bugkoy, kinsa gideklarang killed-in-action.
Samtang sa follow-up operation, tulo pa ka mga patay’ng lawas ang narekober sa operating team, lakip ang usa ka alyas “Rheda.”
Lain ang duha ka patay’ng lawas sa panig sa mga kaaway ang nadiskubrehan sa encounter site nga nailang sila Rochamae Bihag alyas Maki ug Gerald Basahon alyas Doydoy.
Samtang human sa engkwentro, angol sa panig sa gobyerno si 1Lt Edgar Cardoza Jr kinsa na-igo sa iyang walang bukton ug anaa na sa maayong kondisyon ug narekober ang duha ka caliber .5.56mm M16 Rifle uban sa nagkada-iyang military items.
