BUTUAN CITY- Gikwestyton ni Davao City 1st District Representative Paolo “Pulong” Duterte ang posibilidad nga 10 ka boto lang ang ilang gikinahnglan aron baliktaron ang unang ruling nga nagtakda sa 16 ka boto aron ma-convict si Vice President Sara Duterte sa impeachment trial.
Ang hisgutanang voting threshold unang ming-igting human gikwestyon sa Senado kung kung kinahanglang magpabilin ang 16-vote requirement, subay sa pag-absent sa pipila ka senator-judges sa impeachment proceedings.
Samtang gi insistar ni Pulong Duterte nga dili basta-basta gamiton ang mas ubos nga ihap sa boto aron molapas sa constitutional requirement.
Sigon pa niini, posibleng igo ang 10 ka boto alang sa usa ka procedural question kung mao ang gitakda sa Senate rules, apan wala matud pa nagpasabot nga posible nang utrohon pinaagi niini ang constitutional requirement.
Padayon usab nga gitun-an sa Senate impeachment court ang hisgotanan sa voting threshold sa impeachment case sa bise presidente.
