BUTUAN CITY- Gi-anunsyo ni Senate Presiding Officer Chiz Escudero ang pormal nga iskedyul sa impeachment trial, nga magsugod karung Setyembre ug magpadayon hangtud Oktubre adiser temporaryong suspendihin aron hatagan og dalan ang mga hearings sa proposed national budget.
Sumala ni Escudero, ipahigayon ang impeachment hearing sugod Setyembre 8 hangtud 30, gikan alas-10:00 sa buntag hangtud 2:30 sa hapon ug inighuman ipadayon ang legislative sesyon sa senado.
Samtang, mahimong whole-day usab ang mga hearing sa mga mosunod nga petsa sa Oktubre: 1, 2, 5, 6, 7, 8, 9, 12, 13, 14, ug 15
Human niini, suspindihon ang impeachment trial gikan Oktubre 16 hangtud Nobyembre 18 aron hatagan og dalan ang mga hearing kalabot sa nasudnong badyet.
Gilaomang magpadayon ang pagtaral sunod sumana human ang maong suspension.
Samtang, gi-hangyo sa kampo sa prosekusyon nga ipostpone ang hearing sa impeachment trial sa Setyembre 9.
Tumong sa hangyo nga mahatagan og igo nga oras ang duha ka kampo alang sa pagmarka ug pagpangandam sa mga ebidensya nga gamiton sa pagtaral.
