Dakong usbaw sa presyo sa produktong petrolyo, masinati na ugmang aldawa

BUTUAN CITY- Masinati na ugmang adlawa, Martes Septyembre 8, 2026 ang dakong pag-usbaw na usab sa presyo sa mga produktong  petrolyo.

Diin adunay pag-usbaw sa presyo nga P5.18 ang matag litro sa diesel, P4.69 usab nga pagsaka matag litro sa gasolina ug P5.58 matag litro nga dugang presyo sa kerosene.

Sumala sa Department of Energy kon DOE, usa sa mga hinungdan sa pagsaka sa presyo mao ang nagpadayong tensyon sa Middle East ug ang pagkahuyang sa peso batok sa dolyar.

Nagpadayon usab ang panagbangi tali sa Iran ug Estados Unidos, nga nakaapekto sa suplay ug paglihok sa lana sa estratehikong agihanan nga Strait of Hormuz.

Gipaabot nga kining mga tensyon magpadayon sa pagbutang og pressure sa presyo sa petrolyo sa merkado.