-- ADVERTISEMENT --
BUTUAN CITY – Gipangunahan ni Pangulong Ferdinand Marcos Jr. ang Executive Roundtable Discussion uban sa mga dagkong lider sa negosyo gikan sa India.
Lakip sa mitambong ang mga ehekutibo gikan sa Cognizant, Hinduja Group, VVDN Technologies, ug HCLTech.
Gihisgutan atol sa tigom ang potensyal sa Pilipinas isip estratehikong destinasyon alang sa global capability centers, digital transformation, mobility, ug pagpalapad sa mga high-value workforce.
Tumong sa pakigtagbo ug pakigtambayayong nga mapalig-on pa ang trade ug investment relations tali sa Pilipinas ug India, ug makamugna og mas daghang oportunidad alang sa mga Pilipino.
