BUTUAN CITY – Gipadayag ni United States Defense Secretary Pete Hegseth nga tugotan ang publiko nga mutan-aw sa pagpatuman sa silot sa kamatayon batok sa kanhi major sa US Army nga si Nidal Hasan nga himuon pinaagi sa firing squad o pagpamusil sa grupo sa mga sundalo.
Kini tungod kay i-livestream ang pagpatuman sa silot kang Hasan karong Disyembre 4 – oras sa Pilipinas, kinsa mipatay sa 13 ka wala’y armas nga sundalong Amerikano sa Fort Hood niadtong tuig 2009.
Sigon sa Pentagon, kini ang unang military execution sa kapin 60 ka tuig ug sigon ni Hegseth, ilang siguruhon nga makita sa publiko ang pagpatuman sa silot tungod kay kinahanglan masabtan sa mga tawo nga adunay seryosong mga sangpotanan ang mga sama niini nga krimen.
Dugang ni Hegseth, firing squad ang gamiton sa mga sundalo sa pagpatuman sa silot kang Hasan.
Sihon ni Pentagon spokesperson Sean Parnell, si Hegseth ang nagrekomenda sa pagpatuman sa silot kamatayon nga gi-uyonan usab ni President Donald Trump.
