BUTUAN CITY- Gikomperma ni Senador Juan Miguel “Migz” Zubiri nga opisyal nang mingbalhin si Senador Mark Villar sa Senate Majority bloc karung adlawa Huwebes, Oktubre 8.
Tungod sa nahimong lakang ni Villar, mingsaka na sa 14 ang kinatibuk-ang ihap sa mga miyembro sa Majority bloc samtang nagpabilin usab nga 10 ang miyembro sa Minority sa Senado.
Subay sa pagbalhin niini, gipili si Villar isip bag-ong chairman sa Senate Committee on Public Works and Highways aron pangunahan ang mga sugyot ug hisgutanang may kalabotan sa imprastraktura.
Gawas sa bag-ong chairmanship niini, napili usab ang senador isip usa sa mga miyembro nga magrepresenta sa Senado sa Commission on Appointments kon CA.
Gilaoman nga maghatag og dugang kusog sa mga lehislatibong agenda sa Majority bloc ang opisyal nga pagrealign sa puwesto ni Villar sa taas balay-balaoranan.
Adiser ang pagkapili sa Senado, nagsilbi si Villar isip Secretary sa Department of Public Works and Highways (DPWH) ubos sa administrasyong Duterte kung asa gidumala niini ang mga dagkong proyektong pampubliko ubos sa programang Build, Build, Build.
Ang lapad niini nga kasinati-an sa sektor sa public infrastructure ang nahimong nag-unang basehan sa pagtudlo niini sa komite, ingon sa puwesto niini.
