BUTUAN CITY -Nag-agbat sa wala gila-umang boxing session sila Pambansang Kamao Manny Pacquiao ug ang presidente sa Poland nga si Karol Nawrocki, human nag-uban ang duha sa usa ka boxing training atol sa pagbisita sa foreign leader dinhi sa Pilipinas.
Gipa-ambit ni Pacquiao ang mga video diin makita siyang nagtudlo kang Nawrocki sa mga basic nga lihok sa boxing ug mitt work, isip kabahin sa ilang maong training session.
Sumala ni Pacquiao, usa ka dakong dungog alang kaniya ang higayon nga mapakita ang iyang kahibalo sa boxing ug maka-train mismo ang pangulo sa Poland.
Pagpasalamat usab si President Nawrocki sa talagsaong higayon nga nakasulod sa ring uban kang Pacquiao ug nakig-sparring sa bugtong eight-division world boxing champion sa kasaysayan.
Mi-ani og positibong reaksyon gikan sa mga fans ang ilang panagkita, diin gipakita nila ang ilang pagtinabangay ug panaghigalaay pinaagi sa sports diplomacy.
