BUTUAN CITY- Lauman na usab ang laing dakong pagsaka sa presyo sa produktong petrolyo sa Pilipinas sugod sunod simana, tungod sa padayong pagkahuyang sa piso batok sa dolyar ug sa nagkagrabeng kagubot sa Middle East nga nakaapekto sa global nga suplay sa lana.
Base sa full-week monitoring sa Mean of Platts Singapore (MOPS), foreign exchange averages posibleng mosaka og P4.00 hangtod P4.50 matag litro ang diesel, P5.50 hangtod P6.00 matag litro ang gasolina ingon man ang kerosene mosaka og P4.00 hangtud P5.00.
Sumala sa Department of Energy, misaka pa ang presyo tungod sa nagkagrabeng pag-atake sa mga barko ug energy infrastructure, lakip ang aerial attacks sa Saudi Arabia nga nakapahunong sa usa ka importanteng oil pipeline.
Samtang, ang piso miabot sa bag-ong record low nga P62.68 matag US dollar, nga nakdugang sa pressure sa presyo sa imported nga lana.
