BUTUAN CITY – Gi-anusiyo sa Land Transportation Office kon LTO Caraga nga temporaryo usab nilang gihunong ang ilang operasyon sugod karong adlawa until further notice, kini aron hatagan og dalan ang gihimo nilang rapid tests sa mga empleyado niini.
Sa esklusibong pakighinabi sa Bombo Radyo Butuan gibutyag ni Jun Maglinis Chief of Operations sa LTO-Caraga nga ang maong lakang gihimo aron masiguro nga luwas sa coronavirus disease 2019 ang ilang mga empleyado.
Sumala niini gikan sa regional offices hantod na sa mga district offices nga mga empleyado ang target nilang ipilalom sa maong tests. Wala pay gibutyag si Maglinis bahin sa resulta sa mga niini tungod nagpadayon pa ang maong rapid testing.
Apan gipaniguro sa opisyal nga dunay transparensiya ang ilang buhatan nga layo sila sa pandemya dungan sa pagpadayag nga ang bisan kinsang emeplyado nga masutang nagpositibo sa rapid tests ipailalom gilayon sa standard nga quarantine period ug kuhaan og swab sample alang sa confrimatory test.
Nangayo usab og pagsabot ang opisyal ngadto sa mga sa kliyente nga napending ang mga transctions ug gipaniguro nga sa higayong mahan-ay na ang tanan gilayon nilang ipahibalo ang pagbalik sa ilang operasyon.
