-- ADVERTISEMENT --
BUTUAN CITY – Hingpit nang nahimong bagyo ang gibantayang low pressure area sa sidlakang bahin sa Southern Luzon ug gitawag na karong tropical depression Egay, ang ikalimang weather disturbance alang ning tuig 2023.
Katapusan kining nasigpatan sa gilay-ong 900 km sa sdilakang bahin sa Bicol Region dala ang kusog nga hanging mu-abot sa 55-kilometros matag-oras ug haguros nga mu-abot sa 70-kilometros matag-oras.
Nagalihok kini pa-amihanan amihanang kasdapan sa hinay nga pag-aginod.
Sa pagkaaron, wala pa’y gi-isang tropical cyclone wind signal sa bisan asa mang bahin sa nasud.
