BUTUAN CITY – Dismayado si Kapitan Venusto Clarito, amahan sa Barangay Villa Kananga ning dakbayan sa Butuan tungod sa ka-walay aksyon sa pangamhanan sa dakbayan sa Butuan mahitungod sa mga drug personalities nga bisan anaa na sulod sa bilangoan, makahimo gihapon og transaction sa gawas alang sa ilang illegal nga binuhatan.
Sigon sa nasangpit nga Kapitan nga kinahanglan gayod nga kung duna pay labaw nga pwedeng kasumbungan sa nagkadaghan na usab nga mga drug users sa kabarangayan, gawas sa Liga sa mga Barangay sa syudad, kinahanglang ipaabot kini nga problema sa maong buhatan. Ang maong pamahayag, giluwat ni Kapitan Clarito agig kadismaya tungod sa pagkasikop sa tulo ka mga residente sa iyahang Barangay kagahapon sa kadlawon tungod sa illegal nga druga.
Subay sa report, nasikop matud pa sila si Michael Flores, Roy Reponte, ug Junelo Esteban, parehong mga hamtung ug lumolupyo sa Purok 6 Brgy. Villa Kananga ning dakbayan sa Butuan. Lakip usab sa nasikop ang usa ka babayeng minor de edad ug lumolupyo sa Brgy Obrero. Sigon ni Kapitan Clarito, sa pakighinabi niini sa usa sa mga suspetsado, gibinlan ra matud pa siya sa maong mga item sa kaila niining kasamtangan karon nga anaa sa presohan.
Dugang sa kapitan nga makapaalarma ang maong panghitabu tungod kay asta ang pinalitay sa mga illegal nga drugas, kansa ang mga tinubdan, anaa ra diay sulod sa presohan, kay pinaagi naman sa online o kaha Gcash na ang gamit sa transaction.
Hangyo sa maong kapitan sa mga kapulisan nga ngipunan gayud ang balaod og dili na pagamiton pa ang mga piniriso og mobile phones kung anaa sulod sa presohan arun malikayan ang susamang panghitabo.
