BUTUAN CITY- Nakasecure si Presidente Ferdinand Marcos Jr. og mas lig-on nga mga commitment alang sa mas lawom nga integrasyon sa ekonomiya atol sa iyang roundtable meeting uban sa mga Japanese business executives sa Imperial Hotel sa Tokyo.
Nakakuha kini og investment commitments nga mokabat og $3.4 bilyon o kapin P210 bilyon gikan sa mga nag-unang Japanese corporations, kinsa gilauman nga makahatag og dako nga benepisyo sa macroeconomic, lakip na ang pagpalapad sa kapasidad sa industriya sa Pilipinas ug paghimo og liboan ka specialized nga trabaho alang sa mga Pilipino.
Ang infusion sa kapital nagpakita sa kusog ug resiliency sa merkado sa Pilipinas, nga magpalig-on sa supply chains, mag-upgrade sa turismo, ug magpaspas sa technology transfers sa kritikal nga sektor. Sa iyang pamahayag, sigon ni President Marcos Jr. nga ang mas lig-on nga economic corridor tali sa Pilipinas ug Japan mao ang yawe aron masugpo ang global nga kalisdanan ug mapadayon ang momentum sa kalamboan, samtang giila usab niini ang kontribusyon sa dagkong kompanya sa Japan sama sa Toyota, Mitsubishi, ug Panasonic nga dugay nang nagpalig-on sa ekonomiya sa Pilipinas.
