-- ADVERTISEMENT --
BUTUAN CITY- Gi-anunsyo sa World Health Organization kon WHO nga kapin sa 900 ka suspected Ebola cases na ang natala sa Democratic Republic of Congo (DRC), diin 101 niini kumpirmado na.
Ang outbreak nga gi-deklara kaniadtong Mayo 15 resulta sa Bundibugyo strain nga walay aprubadong bakuna o tambal. Sa pinakabag-ong datos sa health ministry niadtong Sabado, 204 na ang namatay gikan sa 867 suspected cases sa tulo ka probinsya.
Ang Ebola usa ka makamatay nga viral disease nga mosangko sa grabe nga pagdugo ug kapakyas sa mga organ, ug nakapatay na og kapin sa 15,000 ka tawo sa Africa sulod sa katunga ka siglo.
