-- ADVERTISEMENT --
BUTUAN CITY- Gikomperma sa acting US Navy Secretary nga gi-postpone una ang planong pagbaligya og mga armas sa Estados Unidos sa Taiwan.
Sumala ni acting secretary Hung Cao, gihunong una nila ang pagbaligya og $14 billion nga kantidad sa mga armas nga gipalit sa Taiwan aron masiguro nga adunay igo nga munitions ang US military alang sa “Epic Fury” operation sa Iran.
Pagklaro pa sa US official, magpadayon ang mga pagbaligya og military equipment sa Taiwan ugaling kinahanglanon kini sa administrasyon ni US President Donald Trump.
Sa pagkakaron, wala pa nagpagawas og opisyal nga pahayag ang US State Department ug Pentagon kalabot sa nahimong komento sa acting secretary.
