BUTUAN CITY- Gitay-og sa Magnitude 5.5 nga linog ang Surigao del Sur kaganiha sa may alas 12:48 sa kadlawon sa may epicenter nga 09.17°N, 126.43°E – 027 km N 36° E.
Ang Reported Intensities nakatala og Intensity IV sa Bayabas ug City of Tandag, Surigao del Sur; Claver, Surigao Del Norte, Intensity III sa Cagwait ug Lingig, Surigao del Sur; Intensity II sa City of Bislig, Nabunturan, Compostela, Montevista, ug Monkayo, Davao De Oro.
Instrumental Intensities: Intensity III sa Hinundayan, Southern Leyte; Intensity II sa San Francisco, ug Sogod, Southern Leyte; City of Baybay, Abuyog, ug Hilongos, Leyte; Nabunturan, davao de Oro ug Gingoog City, Misamis OrientaL, ug Intensity I sa San Fernando, Bukidnon ug Dulag, Leyte.
Una niini, nasinati usab ang Magnitude 5.3 ug Magnitude 5 nga linog kagahapon sa may alas 9:19 sa gabie, nga adunay epicenter nga 09.18°N, 126.75°E — 57 kilometros sa amihanan‑sidlakan sa Bayabas, Surigao del Sur Sumala sa Philippine Institute of Volcanology and Seismology kon PHIVOLCS, ang linog adunay kaladmon nga 10 kilometros ug tectonic ang gigikanan.
Samtang ubay-ubay ka mga aftershock natala na usab sa pipila ka bahin sa maong probinsya, gani walay nataho nga kadaot o kasamok nga may kalabotan sa maong pag‑uyog. Ang mga residente sa Surigao del Sur ug kasikbit nga probinsya gipasidan-an na nga magpabiling alerto ug mosubay sa opisyal nga mga pahimangno sa PHIVOLCS ug lokal nga disaster offices.
