BUTUAN CITY- Lauman ang dakong pagkunhod sa presyo sa gasolina sunod simana, kansa posibleng mokunhod og P5.30 hangtod P5.50 matag litro ug ingon man ang kerosene adunay pag-ubos og 50 sentabos ngadto sa Piso matag litro, base sa inisyal nga pagbana-bana sa usa ka tinubdan sa industriya sa lana.
Samtang, gilauman nga magpabiling pareho ang presyo sa diesel o posibleng mosaka og 50 sentabos matag litro. Sumala sa Department of Energy, nakaapekto sa pag-ubos sa presyo sa gasolina ang huyang nga panginahanglan ug ang pag-uswag sa suplay sa lana sa Asia.
Mitabang usab sa pagpamenos sa pagsaka sa presyo sa diesel ang giplanong pagpagawas sa emergency oil reserves sa mga miyembro sa International Energy Agency, ang kasabutan sa Estados Unidos ug Russia bahin sa diesel, ug ang pagtugot pag-usab sa China sa pag-eksport og mga produktong petrolyo.
Gilauman nga ipahibalo sa mga kompanya sa lana ang opisyal nga kausaban sa presyo sa Lunes, nga ipatuman sa Martes. Niining semanaha, mikunhod og P3.01 matag litro ang diesel, samtang misaka og P1.56 ang gasolina ug P1.77 ang kerosene matag litro.
