BUTUAN CITY- Nakagawas na sa ospital sa Roma, Italy si Pope Leo XIV kagahapong adlawa Sabado, human sa lima ka adlaw nga pagpabilin niini tungod sa operasyon sa iyang tuo nga baga aron kuhaon ang cancerous tumor.
Sumala sa Vatican, gitugotan na ang 71-anyos nga Santo Papa nga makagawas sa ospital human sa pagtimbang-timbang sa iyang resulta sa blood test, chest X-ray ug kinatibuk-ang kahimtang sa panglawas.
Gilaoman usab nga mobalik kini sa Vatican ug mag-ampo sa Angelus akrung adlawa gikan sa bintana sa iyang opisyal nga puy-anan. Bisan nagpadayon ang iyang pagkaayo, nagpabilin nga wala pa matino ang iyang giplanong pagbisita sa Uruguay, Argentina ug Peru sa Nobyembre, samtang gikansela usab ang tanan niining pakigkita hangtod Oktubre 20.
Sumala sa Vatican, nagpadayon sa normal ang pagkaayo sa Santo Papa samtang gihulat ang resulta sa dugang nga mga eksaminasyon nga makatabang sa pagtino sa sunod nga lakang sa iyang pagpatambal.
