BUTUAN CITY- Gi-anunsyo na sa Judicial and Bar Council pinaagi sa Korte Suprema ang listahan sa mga kandidato sa pagka-Chief Justice sa Kataas-taasang Hukuman.
Base sa gi-isyung listahan sa maong konseho, adunay lima ka kandidato ang gusto nga mahimong sunod nga punong mahistrado.
Lakip niini sila:
- Senior Associate Justice Marvic Leonen
- Associate Justice Alfredo Benjamin Caguioa
- Assiociate Justice Rodil Zalameda
- Associate Justice Japar Dimaampao
- Associate Justice Jose Midas Marquez
Gawas sa listahan sa mga kandidato, gipagawas na usab sa Judicial and Bar Council ingon man ang skedyul sa pagihayong ‘public interviews’.
Kini ipahigayon sa umalabot nga Oktubre 22, ug Oktuber 26 sa kasamtangang tuig 2026.
Subay ang anunsyo sa JBC sa pagretiro ni Supreme Court Chief Justice Alexander Gesmundo sa umalabot nga ika-6 sa Nobyembre.
Gani, ang sunod nga matudlong punong mahistrado mao ang ika-28 nga ‘chief justice’ nga mo-ingkod sa pinakataas nga posisyon sa Supreme Court.
