-- ADVERTISEMENT --
BUTUAN CITY – Lauman ang subling pagsaka sa presyo sa mga produktong petrolyo sunod semana base na sa inisyal nga pagbana-bana sa Department of Energy kon DOE sa upat ka adlaw nga trading.
Gila-umang musaka na karong Martes ang presyo sa kada-litro sa diesel, gasolina ug kerosene gikan sa piso ngadto sa ₱1.50 tungod na usab sa gila-umang pagsaka sa presyo sa mga produktong petrolyo tungod sa padayong tensyon sa Middle East.
Tungod niini, ang presyo sa diesel gila-umang mu-abot na sa ₱82.30 matag-litro samtang ₱86.20 usab sa kada-litro sa gasolina ug ₱130.54 sa kada-litro sa kerosene. Mapinalisar ang saktong presyo nga ipatuman sa Martes, pagka-Lunes sa hapon.
