BUTUAN CITY– Gipalig-on sa Department of Health kon DOH, Department of Education (DepEd), ug mga lokal nga panggamhanan sa Metro Manila ang kampanyang Bakuna Eskwela 2026 aron mapanalipdan ang mga estudyante batok sa mga sakit nga mapugngan pinaagi sa pagbakuna.
Gisugdan niadtong Oktubre 6 ang libreng pagbakuna sa mga piniling eskwelahan sa Valenzuela, Makati, ug Las Piñas, kansa nagtumong nga maabot ang 95% vaccine coverage sa mga estudyante sa Grade 1 ug Grade 7 batok sa tipdas, rubella, tetanus, ug dipterya.
Tumong usab sa kampanya nga mabakunahan ang 90 porsiyento sa mga kwalipikadong babayeng estudyante sa Grade 4 ug Grade 5 batok sa human papillomavirus kon HPV, kansa nalambigit sa cervix cancer.
Sumala sa DOH, magpadayon ang programa gikan Oktubre hangtod Disyembre 2026, diin libre nga ipangalagad sa mga kwalipikadong health worker ang mga bakuna aron mapalig-on ang proteksiyon sa mga bata batok sa makatakod nga mga sakit.
