BUTUAN CITY – Gikumpirma ni Department of Education kon DepEd-Caraga spokesperson Pedro Tecson nga tulo ka mga tunghaan sa lungsod sa Lingig, Surigao del Sur ang nakatala og pagkahilo sa ilang mga magtutungha human nakakaon sa gibayang nga pagkaon alang sa school-based feeding program.
Sa eksklusibong pakighinabi sa Bombo Radyo Butuan, gipadayag sa opisyal nga padayon ang ilang pagpa-imbestiga sa maong insidente aron masuta kung ang mga pagkaon ba gayod ang hinungdan sa pagkahilo sa 101 ka mga bata.
Sa pagkutlo niini nga balita, duha ka mga bata na lang ang nagpabilin sa ospital apan nang na usab nga mugawas kondiin kadaghanan sa mga pasyente, out-patient lang.
Giklaro pa niini nga lahi-lahi og eskedyol ang feeding program sa matag-tunghaan nga mag-agad sa ihatag sa coordinator ug ang daling pagpatambal sa mga kabataan, mugna matud pa sa paspas nga pagresponde sa mga school officials tungod kay matag duna’y mag-feeding, ila mang gipa-monitor permi ang mahimong dagan sa pagpakaon.
Apil sa ilang imbestigahan ang supplier sa pagkaon, kung asa kini giluto, unsang orasa giluto aron masuta ang rason nganong na-infect kini.
Giklaro pa ni Tecson nga ang ilang mga feeding suppliers mi-agi sa saktong proseso gikan sa pagpahigayon nila og market survey, gipangitaan og mga dokumento aron magpamatuod nga lehitimo ang ilang mga negosyo, ingon man ang ilang permit.
