BUTUAN CITY – Gipamatud-an pag-usab sa 16-anyos nga swimming prodigy nga si Riannah Chantelle Coleman ang iyang pagdomina sa swimming events human niini nalabwan ang iyang kaugalingong record sa secondary girls’ 100-meter breaststroke sa nagpadayon nga Palarong Pambansa 2026 nga gipahigayon sa sa Democrito O. Plaza Sports Complex Swimming Pool.
Natala sa pambato sa National Academy of Sports (NAS) ang record time nga 1:12.99 kansa mas paspas pa kumpara sa iyang nakalabay nga Palaro record nga 1:15.46 ning miaging tuig, resulta sa iyang pagsakmit og bulawang medalya.
Sumala ni Coleman, wala niya gila-uman ang bag-ong record ilaina nga kagahapon pa lang sa buntag sa kompetisyon siya unang nakalangoy sa maong pool.
Si Coleman, lumad sa Angeles City, Pampanga kinsa anak ni Cathy Villanueva, gi-ilang powerhouse sa breaststroke division.
Bitbit niya ang kasinatian gikan sa mga prestihiyosong international tournaments sama sa Asian Age Group Championships (2023), Southeast Asian (SEA) Age Group Championships (2022, 2024, 2025), ug Asian Youth Games (2025), ug target sa batan-ong swimmer nga dag-on ang iyang paboritong mga kategorya.
Mahinumduman nga nakakuha usab si Coleman og bulawan ug record sa 50m, 100m, ug 200m breaststroke sa mga nakalabay nga Palaro ug national trials.
Gilauman nga madugangan pa ang iyang mahakot nga mga medalyang bulawan alang sa 50-meter butterfly, 50-meter 200-meter breastrokes ug relay events aron madugangan pa ang iyang koleksyon sa bulawan alang sa NAS.
