BUTUAN CITY – Dili matukib ang kalipay nga gibati ni Emeliano Mejias, lolo ni Angela Mejias kinsa naka-gold sa Angela Mejias sa Ampayon Central Elementary School ang gold medal sa Arnis Individual Espada y Daga Weapon Elementary Girls category, tungod sa iyang nakuhang kada-ugan.
Iya matud pangna-obserbahan sa mga training ni Angela ang kamaayo niini sa maong event rason nga gila-uman na niya nga maka-gold kini sa maong national sporting event.
Mapasigarbuhon siya sa talentong nabatunan sa iyang apo dayong panghinaut nga sundon lang ni Angela ang tanang tambag nga ihatag kaniya alang sa iyang kaayuhan.
Susamang kalipay usab ang gibati sa apuhan ni si Chinn Jo Auxtero nga si Josefino Auxtero tungod sa gold medal usab nga nasakmit niini sa arnis event.
Gibalik-saysay pa niini ang kanunay nga pag-uban ni Chinn Jo sa iyang amahan diha sa basakan aron mag-tutle rason nga anad na kining daan pag-alsa alsa og mga bug-at nga butang.
Usa matud pa ka Sangguniang Kabataan kon SK kagawad sa ilang barangay sa Ampayon ang nag-aghat sa iyang apo pag-apil sa arnis ug dinhi na nagsugod ang iyang training.
