BUTUAN CITY – Gipagawas na nila Grammy Award winning artist Shakira ug Burna Boy ang bag-ong kanta alang sa FIFA World Cup nga magsugod sunod bulan.
Si Shakira, nga nagpasikat sa “Waka Waka” sa 2010 World Cup, mibalik karon uban sa kanta nga “Dai Dai” kondiin mukanta siya sa finals half-time show ka-uban si Madonna ug ang BTS sa Hulyo 19.
Ang “Dai Dai” mao ang opisyal nga kansa sa FIFA Global Citizen Education Fund, nga nagtinguhang makatigom og $100 milyon hangtod sa pagtapos ning tuiga aron hatagan og edukasyon ug sports ang kabataan sa tibuok kalibutan.
Ang royalties ni Shakira gikan sa kanta ihatag sa fund, ug ang Sony Music mu-donate usab og $250,000 gawas pa kini sa i-donate ni Shakira nga $1 gikan sa matag tiket sa iyang “Las Mujeres Ya No Lloran” tour.
Sa Oktubre, mag-headline siya sa 11-night stadium residency sa Madrid, sa usa ka bag-ong “Shakira Stadium,” nga nakabaligya na og kapin 500,000 ka tiket.
Sumala usab ni Burna Boy, ang World Cup usa sa pipila ka gipa-abot nga dula sa tibuok kalibutan.
