BUTUAN CITY – Wala maka-ipsot sa mga otoridad ang kanhi kapitan sa Brgy. Limaha ning siyudad sa Butuan human kini nadakpan kagahapon sa alas-12 sa udto may Montilla Boulevard sa Brgy. San Ignacio.
Naila nga nadakpang si kanhi Kapitan Raymond ‘Tata’ Carabuena, 51-anyos, residente sa Purok 1, Brgy. 14, Limaha.
Ang pagsikop kaniya sa ginsakpan sa Butuan City Police Station 2 subay na sa bitbit nilang warrant of arrests sa mga kasong “Malversation of Public Funds Thru Falsification of Official Documents nga nakadukit sa Criminal Case Numbers 2020-830, 2020-831 og 2020-832 nga dunay tag-10 mil ka pesos nga piyansa.
Anaa pa ang pagsupak sa R.A. Number 3019″ nga nakalatid ilalom sa Criminal Case Numbers 2020-833, 2020-834 ug 2020-835 nga dunay tag-30 mil pesos ang piyansa sa matag-usa.
Gi-isyu kini ni udge Isah Echem Tangonan, Presiding Judge, sa RTC, Branch 33, Libertad, Butuan City nga dunay petsang Setyembre 1, 2020.
