BUTUAN CITY- Epektibo na sugod ugmang adlawa, Lunes, Setyembre 28, ang bag-ong mas taas nga pasahe sa mga pampublikong sakyanan human aprobahan sa Land Transporation Franchising and Regulatory Board kon LTFRB, samtang nagplano usab og protesta ang transport groups nga Manibela ug Piston tungod sa padayong pagsaka sa presyo sa petrolyo.
Ang minimum nga pasahe sa ordinaryong jeepney mosaka gikan P13 ngadto P14, samtang P17 na sa modern jeepney ug P15 sa city bus. Mosaka usab ang pasahe sa air-conditioned ug provincial bus, ingon man sa UV Express, depende sa gilay-on ug klase sa sakyanan.
Gimandoan sa Department of Transportation ang mga operator nga ipaskil ang bag-ong fare matrix ug ipadayon ang mga diskwento alang sa estudyante, senior citizen ug persons with disabilities.
