BUTUAN CITY – Pasakaan og tukmang kaso ang usa ka drug personality human nakuhaan og suspected shabu nga gibana-banang nagkantidad og ₱51,646.00 atol sa gipahigayong drug buy-bust operation pasado alas-5:04 kagahapon sa hapon sa Purok 5, Brgy Mahogany ning siyudad sa Butuan.
Nakuha sa mga sakop sa Station Drug Enforcement Unit sa Butuan City Police Station-1 ang usa ka selyadong sachet sa suspected shabu nga mitimbang og 7.595-gramos gikan sa posisyon sa suspetsadong si alyas Choke, usa ka bag-ong street level individual, ulitawo, residente sa Purok 5-B, Silad, sakop sa maong barangay human siya napalitan sa usa ka poseur-buyer.
Nakuha usab gikan sa iyang posisyon ang usa ka cell phone ingon man coin pouch nga duna’y sulod nga 500-pisos nga marked money.
Gikostudiya karon ang suspetsado sa BCPS-1 uban ang nakumpiskang mga butang alang sa tukmang disposasyon.
