BUTUAN CITY – Nakulangan ang grupo sa mga mamumu-o sa nahimong pamahayag ni Pangulong Ferdinand Marcos jr para sa mga trabahante kagahapong adlawa, Adlaw sa Mamumu-o kon Labor Day.
Sigon ni Atty. Sonny Matula, Presidente sa Federation of Free Workers nga kulang ang gihimong pag-ila ni Pangulong Marcos jr sa ka-importante sa mga trabahante tungod kay ang gikinahanglan mao ang kongkretong lakang aron matabangan ang sektor.
Gipananglitan ni Matula ang legislative wage hike nga anaa na sa House of Representatives og sa Senado apan hangtud sa pagkakarun, wala pa ma-aksiyonan tungod sa pagbabag sa mga economic managers.
Sumala pa ni Matula nga gamay nga pagtuklod nalang sa gidusong usbaw sa suhulan sama sa 200 pesos nga national wage hike apan wala kini nahinayon tungod sa kawalay Go Signal sa pangulo.
Nanawagan nalang si Matula kay Pangulong Marcos jr nga ablihan ang pultahan sa Makalanyang alang sa diyalogo kauban ang mamumuo.
Sigon pa niini nga sa halos upat ka tuig niining panggamhanan wala pa kini nakigdayalogo sa mga mamumu-o dili susama sa nakalabay nga presidente sama ni Kanhe Pangulong Rodrigo Duterte.
Nakapangutana usab kini kung asa na ang kasing-kasinga sa mga dagkong opisyales sa administrasyong Marcos human wala pa gihapon gikontrola ang presyo sa produktong petrolyo.
Sigon ni Matula nga wala gihapon gigamit ang nahatag nga gahum kang Pangulong Marcos aron makunhuran ang presyo sa gasolina.
Hinoon nagsuspinde lang kini sa LGP og Kerosene.
