BUTUAN CITY – Nagpositibo sa ginadiling substance si Gilas Pilipinas star Justin Brownlee atol sa Asian Games sigon sa International Testing Agency kon ITA human nga ang sample nga gikuha kaniya duna’y lama sa carboxy-THC, nga kasagari gikutay sa marijuana.
Gi-test si Brownlee uban kang Sami Bzai sa Jordan niadtong Sabado, usa ka adlaw human nag-agbat ang ilang koponan alang sa men’s 5×5 basketball gold nga nadag-an sa Gilas.
Samtang gibutyag sa ITA nga si Bzai nagpositibo usab sa dehydro-chloro-methyl testosterone metabolite.
Hinuon mahimo matud pang mu-apela ang duha ka mga magdudula aron mapa-ilalom usab sa test ang ilang B-samples.
Kini nga resulta i-refer ngadto sa Anti-Doping Division sa Court of Arbitration for Sport for adjudication nga ilawom sa Olympic Council sa Asia’s Anti-Doping Rules.
