BUTUAN CITY- Gi-aresto ang usa ka doctor to the barrio sa Caraga region tungod na sa kasong kidnapping ug serious illegal detention.
Naila ang suspek nga si Dr. Nasty Castro nga anaa na karon sa kustodiya sa mga kapulisan sa Bayugan City Police station.
Nasayran nga kaniadto kining Secretary General sa Karapatan Caraga ug giilang doktor.
Dugang pa nga nagtrabaho usab kini isip development worker nga nag-establisar ug mga health centers ug programa sa Mindanao.
Gidala matod pa niini ang pipila ka mga lumad sa UN Geneva aron mangayo og tabang batok sa mga harassment sa lugar sa netibong komunidad.
Samtang giila kini ni PNP Chief PGen. Dionardo Carlos nga miyembro sa Communist Party of the Philippines (CPP) – Central Committee ug lider sa CPP-New People’s Army (NPA) National Health Bureau nga nakabase sa Butuan City.
Base sa latest information sa Police Regional 13 (PRO 13) pinaagi na kang Pol. Maj. Dorothy Tumulak ang tigpamaba sa PRO 13 sa eksklusibong pakighinabi sa Bombo Radyo Butuan nga base sa mga gihimong intelligence monitoring, surveillance ug imbestigasyon sa Philippine National Police (PNP), ug Armed Force of the Philippines (AFP) nga hugot nga gi-disclose ang nakuhang impormasyon kabahin na sa kaso kang DR. Castro.
Sumala pa nga ang nasayran lamang sa mga residente nga usa kini ka practitioning doctor apan sa nakuhang impormasyon sa mga otoridad usa kini ka committee doctor sa CPP-NPA.
