BUTUAN CITY – Balik na sa normal ang supply sa kuryente sa Mindanao grid human ang yellow alert kagahapon tungod sa grabeng ka-init sa panahon nga hatud sa El Niño phenomenon.
Sa eksklusibong pakighinabi sa Bombo Radyo Butuan, gipadayag ni Agusan del Norte Electric Cooperative, Inc. kon ANECO General Manager Darwin Daymiel nga ang hinungdan sa yellow alert status kagahapon mao ang pag-shut down sa usa sa mga yunit sa usa ka planta nga konektado sa Mindanao grid.
Tungod niini, wala na’y angayang kabalak-an ang mga konsumidor sa ANECO kung hisgutan ang supply sa kuryente tungod kay supisyente kini ilabina nga maka-abag kanila ang mga renewable energy nga anaa nasulod sa ilang franchise area bisan og 30-porsiento na lang ang ilang produksyon tungod sa kakulang usab sa tuburan sa enerhiya.
Gidugang ni Daymiel nga kung mu-abot matud pa ang panahon nga makasinati og red alert status ang energy supply sa Mindanao, mapugos ang ANECO paggamit sa ilang back-up nga 10-megawatt nga modular generating set kansa tubilan og krudo.
Mahimo usab silang mugamit og interruptible load program kondiin ang ilang mga dagkongkonsumidor sama sa mga malls ug mga kompanay, hangyuon na nga mugamit sa ilang mga generator sets.
Mahimo matud pa kining sakripisyon sa tanang mga konsumidor tungod kay tabangan man og bayad ang ilang magasto nga krudo.
