BUTUAN CITY – Positibo ang duha ka Barangay Tanod ug duha ka Barangay Workers sa Barangay Doongan ning syudad sa Butuan sa gipahigayon nga drug test.
Sumala pa ni Kapitan Bert Enriquez sa nasangpit nga Barangay, taliwala sa maong panghitabo, gihatagan gihapon niiini og tsansa ang maong mga Barangay workers nga makabalik sa ilang trabaho pinaagi sa pagpaperma kanila og ‘promise sorry note’, diin sulod niini ang kasabutan nga magahatag kini og weekly report sa Barangay, ignon man girequire usab kini nga molambigit sa Community Drug Rehabilitation program nga isnisyatibo sa lokal nga pangamhanan sa Butuan.
Sayasy sa maong Kapitan nga wala matud pay implementing rules and regulation mahitungod sa maong sitwasyon, rason nga case-to-case basis kini ug anaa nalang sa mga kapitan kung unsaon niini ang mga masakpang trabahante sa ilahang Barangay nga naggamit sa iligal nga drugas.
Dugang niini nga majority matud pa sa ilahang Barangay Council ang ning-uyon nga hatagan og tsansa ang ilahang mga kaubanan sa ilahang Barangay.
Tumong matud pa sa kahugpungan sa maong Barangay sa pag implemetar og Drug Testing sa mga trabahante niini, aron nga sila mismo ang manguna sa pagpa-implementar sa programa batuk sa illegal nga drugas, ug arun tuohan usab sila sa ilahang mga kunstituwente mahitungod sa maong pakigbisog.
