-- ADVERTISEMENT --
BUTUAN CITY – Gila-umang mu-abot unyang alas-sais sa gabii sa Japan sila Pangulong Ferdinand Marcos Jr ug First Lady Liza Araneta-Marcos uban sa iyang delegasyon alang sa upat ka adlaw nga state visit.
Sa iyang departure speech sa Maharlika, Colonel Jesus Villamor Air Base sa Pasay City kaganinang hapon, gipadayag sa pangulo nga ang iyang pagbisita sa maong nasud base na usab sa imbitasyon kansa ma-atol sa ika-70 nga anibersaryo sa diplomatikong relasyon sa duha ka mga nasud.
Tumong matud pa niini ang mas pagpalig-on pa sa ilang strategic partnership, ilabina sa natad sa depensa, seguridad, pamatigayon, investment, imprastraktura, agrikultura, maritime cooperation, space technology ingon man ang pagpalambo sa Mindanao.
