BUTUAN CITY- Nakabayad ang Philippine Health Insurance Corporation kon PhilHealth og P143.22 billion nga benefit claims gikan Enero 1 hangtod Abril 30, 2026, mas taas og 56.15 porsyento kumpara sa P91.72 billion sa samang panahon niadtong 2025.
Sa datos, P84.65 milyon ang gibayad sa private health facilities o kapin 58.16% ug P58.57 bilyon sa government hospitals o kapin 53.33%.
Labaw sa 9.1 milyon ka Pilipino ang nakadawat og medical assistance sa upat ka bulan, diin sumala sa PhilHealth nga kini nagpakita sa “bayanihan ug pagkalinga” sa panahon sa panginahanglan. Sigon usab sa ahensya nga ang kontribusyon sa mga miyembro naghatag og kusog ug paglaum sa mga pasyente ug pamilya, ug padayon silang magpalapad sa mga programa aron mas daghang Pilipino ang makapahimulos sa accessible ug kalidad nga serbisyo medikal.
Ang maong figures base sa Reports of Checks Issued and Advice lakip ang Daily Crediting payment scheme sa PhilHealth Regional Offices sa Cordillera Administrative Region, CALABARZON, Zamboanga Peninsula, Bangsamoro Autonomous Region in Muslim Mindanao, ug sa Caraga Region.
