BUTUAN CITY – Kapin sa 40,000 ka mga tawo ang gi-evacuate human nag-leak ang usa ka toxic chemical gikan sa tangke sa usa ka aerospace manufacturing facility sa Estados Unidos.
Ang tangke nga nahimutang sa habagatang California nga gibana-banang adunay 7,000 ka mga gallons sa methyl methacrylate, usa ka kusog nga volatile ug dali masunog nga substansya nga gigamit sa paghimo og plastik.
Nagpagawas og inisyal nga evacuation orders ang Orange County Fire Authority (OCFA) alang sa palibot sa Garden Grove facility niadtong Huwebes sa hapon, human sa report nga misaka ang temperatura sa tangke ug gipalapdan ang evacuation zone dayong imbestigar sa hinungdan sa leak.
Sumala sa mga opisyal sa OCFA, adunay tulo ka tangke sa pasilidad, ug usa niini adunay problema sa cooling system.
Sa usa ka press conference gibutyag ni OCFA Chief Craig Covey nga adunay duha ka posibleng resulta gikan sa leak, una napakyas sa iyang cooling system rason nga ang tangke nagbubo og grabe nga mga kemikal sa palibot sa pasilidad.
