BUTUAN CITY – Opisyal nang iphon ang mga medalyang gikan sa Weightlifting sa kinatibuk-ang standing sa nagpadayong Palarong Pambansa 2026 sa Agusan del Sur.
Sa eksklusibong pakighinabi sa Bombo Radyo Butuan, gipadayag ni first Olympics gold medalist Hidilyn Diaz-Naranjo kinsa nagsilbi karong tournament director sa kompetisyon, nga lakip sa mga gitan-aw karon ang overall ranking sa mga rehiyon.
Sumala pa niini, mas hugot sila karon sa pagpatuman og mga technical rules aron ma-anad na ang mga estudyanteng atleta sa international law.
Masaligon usab siya nga ang iyang presensya sa palaro, usa ka dakong insperasyon sa tanang mga partisipante.
Gidayeg usab ni Diaz ang preparasyon sa Agusan del Sur tungod kay gawas sa nindot nga preparasyon, ang gigamit nga mga equipment sa venue pulos standard ug high quality kansa dakong tabang alang sa mga future Olympians.
Gitambagan usab ni Diaz ang mga atletang dili modaog nga magpabiling proud gihapon sa kaugalingon tungod kay nakasulod sila sa Palaro Tu AgSur kansa dakong dungog na alang kanila.
