BUTUAN CITY – Giduso sa Department of Health (DOH) ang total ban sa paggamit sa vape o e-cigarettes tungod sa hulga niini sa panglawas sa publiko.
Sigon ni OIC-Director III sa DOH Health Promotion Bureau Dr. Dominic Maddumba, tumong sa sugyot nga hingpit nang ibawal ang paggamit sa vape aron malikayan ang daotang epekto niini sa panglawas.
Bisan paman niini kung dili matud pa mahatagan og katumanan ang total ban, gisugyot sa DOH nga magpatuman na lang og mas hugot nga regulasyon lakip na ang pagtanggal sa nagkadaiyang flavor sa vape products.
Pasabot ni Dr. Maddumba, ang mga flavored vape nakaengganyo ilabina sa kabataan rasong mas maayong himoong sama nalang kini sa yanong tobacco products.
Una nang nagpasidaan ang DOH nga ang paggamit sa vape ug uban pang produktong tabako mamahimong maghatag og nagkadaiyang sakit sama sa cardiovascular disease, cancer, ug mga problema sa baga.
Padayon nga gitun-an sa ahensya ang mga lakang aron maprotektahan ang panglawas sa publiko ilabina sa kabataan batuk sa peligro sa pagpanigarilyo ug vaping.
