BUTUAN CITY – Mikutlo sa tulo ka kinabuhi sa tawo ang dakong drone attack sa Moscow Region kagabii nga gihimo sa Ukraine.
Sumala sa opisyal sa Russia, usa ka babaye ang namatay sulod sa usa ka balay sa Khimki, sa amihanang bahin sa kaulohan, diin adunay tawo nga natabonan sa mga nahugno nga parte sa panimalay.
Usa usab ka lalaki ug babaye ang namatay sa Pogorelki.
Sigon ni Mayor Sergei Sobyanin, sa Moscow, 12 ka tawo ang naangol sa mga pag-atake sa usa ka oil refinery sa siyudad.
Sumala usab militar sa Russia nga 556 ka drones ang ilang nakumpiska.
Sigon ni Ukrainian President Volodymyr Zelensky nga ang maong mga pag-atake usa ka makatarunganong” tubag sa makamatay nga pag-atake sa Russia ngadto sa mga siyudad sa Ukraine.
Sa nakalabay nga semana usa ka dakong drone ug missile attack sa Russia ang nakapatay og 24 ka tawo sa Kyiv.
Sa Ukraine, walo ka tawo ang nasamdan sa overnight drone attacks ug pagpamomba sa sentral nga rehiyon sa Dnipropetrovsk.
Si Russian President Vladimir Putin naglunsad og full-scale invasion sa Ukraine niadtong 2022, ug karon kontrolado sa Moscow ang mga 20% sa teritoryo sa Ukraine.
