BUTUAN CITY – Pabiling muti-urok ang ekonomiya ning siyudad sa Butuan ug lalawigan sa Agusan del Norte sa unang unom ka mga buwan ning tuiga.
Kini ang forecast nga gipagawas sa negosyanteng si Joey Tan, presidente sa Filipino-Chinese Chamber of Commerce of Agusan Incorporated kon FCCCAI.
Sa eksklusibong pakighinabi sa Bombo Radyo Butuan, gipasabot ni Tan nga tungod kini sa kawala pa’y madawat nga COVID-19 vaccine sa Pilipinas sa maong mga bulan.
Nasayrang ang bakuna ang maghatag og kumpyansa sa mga investors nga mubalik na sa regular nga pagnegosyo ilabina kung matupukan na sa maong bakuna ang mga kunsumidor.
Sigon ni Tan, kung unsa ang dagan sa ekononiya ning lalawigan sa katapusang kwarter sa tuig 2020, mao usab kini ang lauman sa unang semestre ning tuiga.
Gawas pa, bantayanan usab ang bag-ong strain sa COVID-19 ilabina kung unsa ang epekto niini ngadto sa mga tawong sa matupukan na unya sa COVID-19 vaccine.
Gidugang pa ni Tan nga dili pa gihapon masiguro ang dagan sa investment ning lalawigan ug dakbayan sa Butuan sa ikaduhang semestre ning tuiga tungod kay mas conservative karon ang mga negosyante.
Nag-una matud pa sa ilang bantayan ang mamahimong epekto sa COVID-19 vaccine ngadto sa bag-ong strain sa coronavirus ug kung masuta nga wala kini maayong epekto sa makamatay nga sakit, susamang senaryo lang gihapon ang masaksihan sa hinapos nga unom ka bulan ning tuiga.
