BUTUAN CITY- Subling mitala og 36 ka mga COVID-19 variants of concern ang Caraga Region human migawas ang resulta kagahapong adlawa kansa mao ang mga samples nga gipadala sa UP- PGC niadtong Agusto 2021.
Gilangkuban ang maong ihap sa 31 ka mga Delta variants, 3 ka Alpha variants ug 2 ka Beta variants hinungdan nga miabot na sa kinatibuk-ang 149 ang variant cases ning rehiyon .
Lakip sa mga lugar nga nakatala og Delta variant cases mao ang Agusan del Sur nga dunay 24 ka kaso; Bayugan City dunay 4; Loreto 5; San Francisco 4; San Luis 3; ingun man ang Talacogon dunay 3; ug usa ka kaso gikan sa Esperanza, Prosperidad, Rosario, Sta. Josefa, ug Trento; samtang 5 ka kaso sa Delta variants sa Surigao del Norte ;Surigao City -4; Claver -1;ug Cantilan, Surigao del Sur -2.
Alang sa Alpha variant cases usab, lakip gihapon sa nakatala ang Agusan del Sur nga dunay-2; tag usa ka kaso gikan sa Prosperidad ug Rosario, ug usa sa Tandag City.
Samtang sa Beta variant cases, tag usa ka kaso ang natala sa Prosperidad, Agusan del Sur ug Tandag City.
Ang maong ihap sa mga variants nag edad lamang tali sa 9 anyos hangtod 79 anyos kondiin 23 niini ang mga babae samtang 13 ang mga lalaki ug 9 ang dunay comorbidities.
Gikan sa maong ihap, 18 usab ag dunay travel history o close contacts sa nagpositibo; 10 ang close contacts sa kumpirmadong sa RT-PCR COVID-19 case, ug 5 ang expose sa trabahoan samtang 2 ang postpartum mothers.
Bahin sa vaccine status, 64% kon 23 sa mga kaso ang wala pa nabakunahan nga indibidwal kondiin ning panahona, kadaghanan sa mga kaso recovered na nga miabot sa 33 samtang 3 ang namatay.
Lakip sa mga namatay sa Delta variant mao ang usa ka babaeng senior citizens kansa diabetic samtang ang Alpha variant death usa ka babaye nga middle-aged bedridden kansa dunay spinal cord injury sulod sa 11 na ka bulan ug ang tanang wala mabakunahi kansa dunay travel history o na expose sa kumpirmadong kaso kondiin usa ang namatay lang sa balay ug duha ang na-hospital tungod sa severe symptoms.
Bisan paman, ang tanang naila nga close contacts naka-kompleto na sa quarantine protocols ug nakarekober na.
Tungod niini nakig-alayon na ang DOH CHD-Caraga pinaagi sa Regional Epidemiology and Surveillance Unit (RESU) kauban ang local health authorities aron padayon nga ma-monitor ang sitwasyon ning rehiyon.
