BUTUAN CITY – Nagpabiling ikaduha sa hinungdan sa kamatayon sa Pilipinas ang neoplasm kon mas nailhan nga kanser.
Kini ang gitumbok ni Romelyn Esther Torralba-Santos, nurse V sa Department of Health–Center for Health Development kon DOH-CHD- Caraga dayung pagbutyag sa paningkamot sa gobyerno alang sa sayu nga detection og primary care services particular ang cervical og breast cancer screening.
Sigon ni Torralba nga 11 porsiento sa mortality sa nasud ang natampo sa cancer nga gipaningkamotan nga matubag pinaagi sa gilusad nga nationwide cervical cancer screening niadtong 2024 nga karun available na sa mga local government units (LGUs) nga aktibong nag-implementar sa screening programs sa ilang kumunidad.
Gitumbok pa ni Torralba nga ang pagkontrola sa cancer magsugod sa sayu nga screening, dayung dasig sa publiko nga pahimuslan ang available nga health services.
Apan sa paglikay sa kanser kinahanglang magsugod kini sa primary og secondary measures, lakip na ang pagmintina sa healthy lifestyle og pagpailalom sa regular screening.
Kinahanglan matud pang magpakunsulta alang sa tanang porma sa kanser og dili na magpaabot nga mogawas ang simtomas.
