BUTUAN CITY- Mitala na usab og bag-ong 29 ka mga kaso sa COVID-19 ang rehiyon sa Caraga kondiin 17 ang mga babae ug 12 ang mga lalaki kansa nag edad og 21 hangtod 50 anyos.
Ang maong ihap nagsumikad sa Agusan del Norte-6 kondiin tag duha sa munisipalidad sa Buenavista ug Kitcharao ug tag usa sa Magallanes ug Tubay.
Samtang dunay 3 sa Agusan del Sur nga gikan sa Bunawan-2 ug 1 sa Rosario ingon man 4 ang Surigao del Norte nga tag duha sa Alegria ug Bacuag.
Samtang 10 ang gikan sa Surigao City nga nabahin sa Barangay Washington- 5, tag duha sa Luna ug Rizal ug 1 sa San Juan ug dunay 6 nga nadugang sa Butuan City nga tag usa sa Datu Silongan, Golden Ribbon, J.P Rizal, Limaha, Obrero ug Villa Kananga.
Gikan sa maong ihap 20 ang dunay local transmission, 6 ang walay travel history ug 3 ang dunay travel History ug gikan sa maong ihap 22 ang asymptomatic, 6 ang mild ug 1 ang severe.
As of Novermber 6,2020, dunay 3 ka mga bag-ong patay sa sakit nga mao ang 79 anyos nga babae gikan sa Butuan City, 57 anyos usab nga babae gikan sa ning syudad ug 84 anyos nga Lalake nga gikan usab ning dakbayan.
Sa kasamtangan ang Caraga Region duna na’y kinatibuk-ang 2 ,983ka mga kaso sa covid-19, samtang 415 ang aktibong kaso, 2,435 ang mga naka rekober ug 133 na ang patay.
